Пятница
15.12.2017
23:57
Категории каталога
leqsebi [32]
Форма входа
Поиск
Друзья сайта
Статистика
Мини-чат
<<<POEZIA>>>
Главная » Файлы » leqsebi

lamazi sikvdili
[ ] 30.12.2007, 00:01

 

ლამაზი სიკვდილი

როცა დაიწყებს წყარო საუბარს,
მზეს რომ მისწვდება ირმის ბღავილი,
შემოასკდება როცა ალუბალს
მუხლზე კაბა და გულზე ყვავილი.
როცა კვირტები აფეთქდებიან,
როცა სიმღერას იტყვი სასურველს,
როცა ირმები დაფეთდებიან,
მზეს შეხედავენ, რქებში ჩაწურვილს.
როცა მერცხალი ზეცას შეუტევს,
როცა მიწაზე მზე და დარი დგას,
ირემი აპრილს კარებს შეუმტვრევს
და ატმის რტოებს რქებად დაიდგამს.
როცა მზე მინდვრებს კალთებს დაუცლის
საგვირილოდ და საენძელოდა,
ირემი ირემს ბალახს გაუწვდის
და რქას მიურტყამს სადღეგრძელოდა.
როცა ძეწნები ატირდებიან
და აკოცებენ ვაზებს ხარდნები,
შევხედავ ზეცას ნატვრისთვლებიანს,
ავტირდები და ავხარხარდები.
მოიგონებენ წარსულს მკვიდრები,
აბუბუნდება ქვეყნად ყველა მთა,
გავდიადდები, გავსულდიდდები
და ავენთები მამულს კელაპტრად,
დავდგები ცერზე, როგორც ავაზა,
ერთს გადავხედავ დღეებს გაფრენილს,
მერე მოვკვდები ისე ლამაზად,
ვით დაიბადა ეს ყველაფერი.

1958

Категория: leqsebi | Добавил: poezia | Автор: gurmachi
Просмотров: 8046 | Загрузок: 0 | Комментарии: 4 | Рейтинг: 4.8/5 |
Всего комментариев: 4
4  
au dzalian magari leqsia

3  
visac unda dakleba unda chamos naklebad,chventan aris ori cesi:dilit presi gamit seqsi.

2  
magari leqsiaaaaaaaa

1  
tu ar vcdebi charkvianis leksia da dzalian kargi leksi

Имя *:
Email *:
Код *: