Пятница
15.12.2017
23:57
Категории каталога
leqsebi [32]
Форма входа
Поиск
Друзья сайта
Статистика
Мини-чат
<<<POEZIA>>>
Главная » Файлы » leqsebi

chemi samshoblo
[ ] 19.12.2007, 19:38
ლადო ასათიანი

ჩემი სამშობლო

ტკბილია, როგორც დედის რძით ბალში ტუჩშეუშრობელი,
ტკბილია, როგორც ცის ნამი, როგორც ალერსი მშობელის,
ტკბილია, როგორც ველებზე ჯეჯილის მწვანე ფაფარი,
ტკბილია, როგორც ძილისპირს ძველი ქართული ზღაპარი.

ბარში ბულბულთა ჯარია, მთაში ირემი ყვირისა,
ტკბილია, როგორც სურნელი ახლადმოხდილი ღვინისა,
ტკბილია, როგორც სურნელი ახლადგამომცხვარ პურისა,
ტკბილია, როგორც ნუგეში ბედისგან დაღუპულისა.

ტკბილია, როგორც ბეღელი, ამოვსებული თავამდი,
ტკბილია, როგორც სიმღერა და შეძახილი თამადის:
- ჩემი სამშობლო, ზურმუხტის და მარგალიტის სადარი,
ამგვარად აყვავებული, მხარე მეორე სად არი?

ჩემი სამშობლო ქვეყანა რა ლამაზია, რა კარგი,
ცა-ფირუზ ხმელეთ-ზურმუხტი, ნაირფერებით ნაქარგი!
ტკბილია, როგორც რუსთველი, ტკბილია, როგორც აკაკი,
ხალხი, შრომაში გართული, ამღერებული ფანდური,
იადონების გალობა და იავნანა ქართული.

როგორც კრიალა მთის წყარო, ცადმიჭედილი ნაძვები,
და იის წყალით ფერილი ლაჟვარდის ლიბრი ღაწვები,
ტკბილია, როგორც ხალხისთვის თავდადებული ლომგული,
ტკბილია, როგორც ურმული, ტკბილია, როგორც ჩონგური.

საამო არის, ვით რთველი, მწიფე მტევნების ნაჟური,
დილისკენ ხოხბის ყივილი, სიმღერა გარიჟრაჟული,
იალაღებზე ღრუბლებად მიმოფანტული ნახირი
და გაზაფხულის პირზედა ტყიდან გუგულის ძახილი.

ტკბილია, როგორც წისქვილში მთვარიან ღამის გათევა,
ტკბილია, როგორც აპრილში ტყემლების შემონათება.
ტკბილია, როგორც მტევანი, ვაზზე ასხმული შავადა
და სიყვარული უებრო, მოსული თავისთავადა.

ხალხია ენამზიანი, გმირი და არამკვეხარა, -
დიდია ჩემი სამშობლო, ტკბილია ჩემი ქვეყანა.
ჩემი სამშობლო, ზურმუხტის და მარგალიტის სადარი,
ამგვარად აყვავებული მხარე მეორე სად არი?

1936 წ.

Категория: leqsebi | Добавил: poezia | Автор: gurmachi
Просмотров: 6330 | Загрузок: 0 | Комментарии: 5 | Рейтинг: 4.0/1 |
Всего комментариев: 5
5  
dzaan magari leqsia siyvarulze minda raime kargi leqsi da vinmem tu icit momweret juba.kochlamazashvili1994

4  
magari leqsa

3  
meti leqsi araaa

2  
gvinda legsi samshobloze"saxelovan mamulishvilebze" gamagebinet naki-nuki chemi skypea gmadlobt

1  
samshobloze minda leqsi patriotul temaze vina kai leqsi icit gamagebinet:gio_gio12350 chemi skypea

Имя *:
Email *:
Код *: